د افغانستان اسلامي جمهوریت سفیر په انګلستان کې میشتو یو شمیر افغانانو سره وکتل
په انګلستان کې د افغانستان اسلامي جمهوریت سفیر ښاغلي ډاکټر زلمي رسول په بریتانیا کې میشت د یو شمیر فرهنګيانوشخصیتونو ، لیکوالانو ، ټولنیزو فعالانو او د افغاني ټولنو مخورو سره وکتل.
په دی مجازي ناسته کې ډاکټر زلمي رسول په کلتوري او ټولنیزو برخو کې په انګلستان کې میشته د افغانانو فعالیتونهوستایل او هغوی ته یې د افغانستان د سفارت د بشپړ ملاتړ او همکارۍ ډاډ ورکړ.
ډاکټر رسول وویل چې په لندن کې د افغانستان سفارت د ټولو افغانانو ګډ کور دی او د افغانستان له سفارت څخه یې د لا ښوخدمتونو پر اړتیا ټینګار وکړ.
له بلې خوا ، ګډونوالو په انګلستان کې د افغانستان اسلامي جمهوریت سفیر ډاکټر زلمي رسول ته ښه راغلاست ووایه. د لازیاتو همغږۍ رامینځته کولو لپاره، په انګلستان کې د افغانستان د سفارت د فعالیتونو او برنامو او په انګلستان کې میشتوافغانانو ترمنځ د دوه اړخیزو همکاریو لپاره د ښې زمینې برابرول باندی ټیګار وشو.
په دې ناسته کې په برتانیا کې د میشتو افغانانو لپاره د فرهنګي شورا رامینځته کولو میکانیزم ، او همدارنګه د غوره قونسلخدمتونو د چمتو کولو په اړه هم بحث وشو.
د یادونې وړ ده چې په انګلستان کې د افغانستان اسلامي جمهوریت سفیر ډاکټر زلمي رسول تر دې مخکې په دغه هیواد کېمیشتو یو شمیر افغان فرهنګيانو او فعالانو سره هم لیدلي دي او دا لړی به دوام لری.
